Vawiin 13.9.2013 (Zirtawp) hian Sericulture Directorte Conference Hall-ah Bivoltine Cluster Project hawn a ni.
He Project hawnnah hian Pu _, Sericulture Minister chu Khuallian a ni a. Pi Sathiyavathy, Additional Chief Secretary, Mizoram chu Khual zahawm a ni. Central Silk Board atangin Pu Sarat Deori, Joint Secretary leh Pu Moncy Issac, Deputy Secretary te chuan he hun hi an rawn hman pui bawk. Tin, Sericulture Department Officer-te bakah Sericulture Farmers 100 in he hun hi an hmanpui bawk.
Hawnna inkhawm hi Pu C.Lalthankhuma, Secretary, Sericulture Department in a kaihruai a. Pi Sathiyavathy, Addl. Chief Secretary, Pu Donatus Engzananga, Director of Sericulture leh khual pawimawh ten thu sawiin, he Project awmzia leh hna thawh dan turte an sawi a. Farmer atangin Pu H.Lalngaihzuala, Mualam leh Pu Samuel Lalrintluanga, Khawlek ten thusawina an nei a ni. Bivoltine Cluster Project hian Farmer 325 lai a huam dawn a, Aizawl District-ah tan a ni phawt dawn a ni.
Pu _, Sericulture Minister chuan Bivoltine Cluster Project hi a hawngin Central Silk Board in Mizoram tana hetiang Project a rawn pe hi lawmawm a tihzia a sawi a. Maimaw pangang khawitu ten hotute thu ngai changin an tih ang zelin taima taka thawk turin leh he project hi hlawhtlinpui ngei tura tan la turin Farmer te chu a fuih a ni. Farmer te chu he project hmang hian eizawnna ngelnghet din ngei tura a duh thu a sawi bawk.
Pu _, Joint Director of Sericulture-in lawmthu sawiin he inkhawm hi tihtawp a ni.
