Date 24  October, 2024 khan District Sericulture Office, Mamit chuan Govt. Muga Seed Farm, Hmar Veng, Mamit-ah Muga Silkworm Pangang ‘Favang Seed Crop (Bhodia)’  an khawi mek chu pangang hminte seng khawmna (harvest) hun neih a ni a, Pi Carolyn LB Khiangte, Addl DC Mamit leh officials dangten hun an hmanpui.

He hunah hian Pu Lalbiakhlua Ralte,District Sericulture Officer, Mamit leh Pu Lalramchuana Sericulture Extension Officer, Mamit bakah technical Staff dangte’n pangang khawi dan leh a kal hmangte hrilhfiahna hun an hmang a, kuthnathawktute hnena hlan a nih dan leh pangang seng khawmna atan hma an lak dan sawi a ni bawk. Pu Lalbiakhlua Ralte chuan tha zawk leh changtlung zawk a seng khawmna hun la buatsaih zel an tum thu a sawi bawk. 

He hunah hian Muga silkworm seng khawmna neih a nih mai bakah Mutih Pangngang (Eri) khawi mekte pawh enna neih a ni bawk.