Release Date: 2013-05-14 18:30:00

Dt. 15.5.2013 (Nilai): Pu _, Hon’ble Minister of Sericulture chuan Vawiin chawhnu dar 2:00 khan Chaltlang-a Sericulture Directorate Building-ah Sericulture Department Sales Emporium a hawng. Sericulture Sales Emporium Hawnna inkhawm hi Pu C.Lalthankhuma, Sericulture Secretary-in a kaihruai a. Pu Donatus Engzananga, Director of Sericulture chuan he hun rawn hmanpuitu zawng zawngte chu lo lawmin an hnenah Lawmthu a sawi a. Sales Emporium chungchangah Technical Report pe nghalin, Sericulture Department-in a hlawhtlinnate mipui chhawr theih tura pholan theih a lo ni ta chu lawmawm a tihzia leh hun rei tawh tak atanga a duhthusam ama hun chhunga tihhlawhtlina a lo awm thei ta hi Lawmawm a tih thu a sawi a. Hetianga Sericulture Department-in hlawhtlinna a neih theihna tura Department mamawh tam tak sorkar hnena an dil tihhlawhtlinsaktu Mizoram Sorkar chungah lawmthu a sawi a. Tin, Officer leh staff ten Sales Emporium changtlung tak buatsaihna kawnga an thahnemngaihnaah Lawmthu a hrilh bawk a ni. Officer sawm bikte bakah, Aizawl khawpui chhunga Silk puan tahtute pawh sawm niin he hun hi an rawn hmanpui bawk a ni. Khuallian, Pu _ chuan Hawnna neih paha thu sawiin, Sericulture Hmasawnna thar tam tak a hun chhunga a lan avang hian he Department-a thawktute zawng zawng chungah Lawmthu a sawi a. Department mamawh lian tak tak, hun rei tak atanga an lo dil tawh thinte tihhlawhtlinsaktu Chief Minister Pu _ hnenah lawmthu a sawi a ni. He department chhunga thawktu Officer te thawh hona tha tak mai hi an hlawhtlinna bul chu a ni a ti. A hun chhunga department mualphona leh buaina awm lova hmasawnna lam hlir mai hmuh tur awm chu lawmawm a tih thu a sawi bawk. NLUP chungchangah Sericulture department atanga kan beneficiary, Pi Lawmsiami, Phaileng ‘S’-in Mizoram huapa Lawmman Pahnihna a dawng thei leh Pu Chinliana, NE Tlangnuam-in Aizawl District huap Lawmman pathumna a dawng thei chu a chhuanawmin a lawmawm takzet a ni a ti a. He Department hi Mizorama kut hnathawktute tan, a thawktuten theih tawpa kan beih zel chuan, Mizoram tana department chhenfakawm tak a ni zel dawn a ni a ti. Sales Emporium Hawnna program hman zawhah thingpui in hona neih a ni.