Ni 22 January, 2026 hian YMA Hall Mualpheng ah Launching programme of 'Development of Muga Culture Based Livelihood Opportunities in Keifang and Mualpheng' chu neih a ni a. He programme ah hian Pu Lalnilawma, Hon'ble Minister of State for Horticulture, Rural Development, etc chu Khuallian a ni.

Pu B.Lalchhuana, Joint Director of Sericulture chuan he hun hi a kaihruai a. Pu C.Lalremliana, Chairman, MKVI leh Pu Lalrinawma, Director of Sericulture te'n he hun hi an tel pui bawk a ni.

Pu Lalrinawma, Director of Sericulture chuan he mi programme a Progress Partner thlan tawh lo kal te hneh ah Technical Report pe in, Muga pangang khawi tlak anih zia thu a sawi bakah kuthnathawktute khaichhuah hi Sericulture tum ber a ni a ti.

Proffessor Lalnilawma, Hon'ble Minister of State, Bialtu MLA ni bawk chuan thusawiin, India ramin zalenna a neih atanga kum 100-na, 2047 ah chuan India ram chu khawvela ram changkang (developed country)-a inhlang kaipha tura hmalakna "Viksit Bharat" chu kalpui mek a ni tih thu sawiin, chumi avanga he scheme hi la thu tak turin kal khawm te a chah a ni. 

Pu B.Lalchhuana, Joint Director of Sericulture chuan Sericulture Department in Raw Material atan bul an tan ang a, KVI lamin chu chu an process dawn a ni tih thu a sawi a. Progress Partner te ah beiseina sang tak a neih thu sawiin, Hand Holding (bul tanna tha siam a, eizawnna ngelnghet neih theihdan scheme) a nih angin theihtawp chhuah a tul thu a sawi bawk a ni.

KVI Chairman Pu C.Lalremliana chuan Project lo pianchhuah dan te a sawi a, he project atan hian sum dah anih thu a sawi bawk a.  August ni 19, 2025 khan Sericulture Secretary nen an sawi dun a, hma lak a tha an tih thu a sawi bawk a ni. He project atan hian Mualpheng leh Keifang VC te chuan ram tin 100 (acre) hmun ve ve Progress Partner te tan hian an pe a. September ni 12, 2025 khan Dr.Lalthlamuana Pachuau, Scientist-D, CRC, CSB te nen Project chu an siam ta a, Muga Project chu September ni 24, 2025 khan peihfel a ni ta a ni tih thu a sawi tel bawk  a ni. 

Pu A.Vanlalliana, DSO, Saitual chuan lawmthu sawina neiin hun hi a khar bawk a ni.