RESHAM KRISHI MELA

Vawiin Ni 28.01.2026 (Wednesday) hian Sericulture Farmers te ni (Resham Krishi Mela) chu Central Silk Board, Ministry of Textiles, Govt. of India leh Sericulture Department, Govt. of Mizoram tangkawp in an huaihawt chu Sericulture Training Institute, Zemabawk ah hlawhtling taka neih a ni. Sericulture farmers mi 100 chuang leh entrepreneur thenkhat te leh officials te an kalkhawm. Resham Krishi Mela in a tum ber chu Maimaw pangang khawi hmanga eizawnna ngialnghet thingtlang mite’n an neih theihna tur kawng in kawhhmuhna leh farmers-te leh Technical staffs-te nen a Sericulture hmasawn zelna tur atana Resham Krishi Mela hi hman a ni. He hunah hian Dr. Lalthlamuana Pachuau, Scientist-D, REC, Aizawl chuan Resham Krishi Mela-a lo kalkhawm zawng zawngte chungah lawmna thuchah a sawi a, Resham Krishi Mela chu farmers ten tangkai taka an hman theihna’n duhsakna a hlan bawk a, Sericulture Department khai dingtu ber chu thingtlang hmuna maimaw pangang khawitu te an nih thu a sawi bawk a ni.

            Khuallian Pu Lalthansanga (Pu Chatea) Hon’ble Minister of Sericulture chuan Sawrkar kallai mek 'Bana Kaih Policy' hnuaia hmalakna ah Honourable Chief Minister Pu Lalduhawma hova chak taka thingtlang mite khaichhuahna atana ke an pen dan te sawiin Sericulture Department thuam chakna'na thawktu lak belh anih dan te a sawi bawk. Khual zahawm Pi Florence Zotluangpuii, Sericulture Secretary to the Govt. of Mizoram pawhin farmers te thahnemngai taka hma la a, teirei peih turin a fuih a, Resham Krishi Mela chu tangkai taka hmang turin a duhsak bawk.

            Dr. Gandhi Doss, Director, Central Silk Board, CSR&TI, Berhampore leh Pu Lalrinawma, Director, Department of Sericulture, Govt. of Mizoram te pawhin farmers te hnenah Mizorama maimaw hmasawnna tur an sawi bawk.

            Chawhnu lamah technical session awm lehin Pu B.Lalchhuana, Joint Director, Sericulture Department in a kaihruaia, Maimaw pangang khawitute leh technical staffs leh Officers-te nen hlawk takin maimaw pangang khawi kawnga farmers-te zawhna leh chhanna hun hman a ni bawk. Dr. Pavan JS., Scientist-B, CSB, REC, Aizawl in lawmthu sawina neiin Resham Krishi Mela chu  khar a ni.